افكار جديدة لتنظيم اعياد الميلاد فى البيت

كلنا  بنستنى اعياد الميلاد ، سواء عيد الميلاد بتاعنا احنا او اعياد ميلاد اصحابنا و قرايبنا علشان تبقى مناسبة حلوة نتجمع فيها و نقضى وقت حلو و نتبسط ونبسط الى بنحبهم ، لكن سنة بعد سنة بنزهق من الشكل المتكرر للاحتفال و بنحاول نغير من طريقة الاحتفال ده  و نقعد نفكر كتير علشان نلاقى فكرة جددة علشان نحتفل بيهم لكن ممكن منلاقيش او منعرفش ننفذ الافكار الجديدة دى ، فى الموضوع هنا هتعرفى افكار جديدة لتنظيم اعياد الميلاد فى البيت و بتكلفة قليلة جدا و بمجهود قليل كمان …

اولا : الميزانية : 

طبعا قبل اى تحضيرات للحفلة لازم نتكلم عن حاجه مهمة و هى ” الميزانية ” ، مفيش شك انه بيبقى نفسنا نعمل كل حاجه علشان نعمل حفلة حلوة جدا بس لازم كمان نبقى واقعيين لما الموضوع ييجى للميزانية ، حددى اميزانية المتاحة و التزمى بيها و شوفى ايه المتاح ، هتجيبى تورتة بكام ، تقدرى تجيبى فقرات فى الحفلة ولا لا ، و ايه هو عدد الافراد اللى تقدرى تعزميهم .

مش مهم تكون الحفلة كبيرة و مكلفة بزيادة ، لكن حتى لو ميزانيتك قليلة و خططتى لحفلتك و اتصىرفتى على اساس المتاح بشكل سليم ، هتطلعى بحفلة حلوة جدا و ناجحه .

الفكرة الاولى : اختارى موضوع للحفلة 

  – جربى تختارى موضوع او فكرة للحفلة او زى ما بيسموها theme party ، خصوصا لو بتعملى حفلة عيدميلاد لبنتك او لابنك ممكن تختارى شخصية كارتونية بيحبوها او لون مثلا و يبقى هو ده موضوع الحفلة ، و تنفذى الفكرة فى كل تفاصيل الحفلة من الوان و لبس و زينة ، الحركة دى جديدة جدا و بتبقى ممتعة جدا و بتخلى الحفلة مختلفة و ممتعة اكتر .

2- كروت دعوة لحفلة عيد الميلاد : 

اعملى دعوات لحفلة عيد الميلاد ، و اعملى الدعوات بأشكال مبهجة و مختلفة و ابعتيها لاصحاب وقرايب صاحب عيد الميلاد ، كروت دعوة لحفلات عيدالميلاد فكرة جديدة جدا و مطرقعة ، و حركة هتبهر كل الناس اللى هتعزميهم .

3-زينة عيد الميلاد : 

طبعا الزينة بتعتبر جزء اساسى من حفلات اعياد الميلاد ، حاولى تجددى من اشكال الزينة اللى ممكن تستخدميها و اكيد الزينة اللى هتنفذها بايدك هتبان احلى كتير وكمان هتبين حبك و اهتمامك ، وممكن تختارى زينة بلون محدد يكون صاحب عيدالميلاد بيحبه او بالوان كتير مختلفة .

4- تورتة عيد الميلاد :

 طبعا مفيش حفلة عيدميلاد من غير تورتة ، جربى تعملى تورتة عيد ميلاد غير اعتيادية و شكلها مختلف ، ممكن لو هتشتريها من بره تختاريها بلون او شكل معين او انها تكون مزينة بأكتر حاجه بيحبها صاحب عيد اميلاد ، و طبعا ممكن تحطى عليها اكتر من صورة ليه او تكتبيله عليها حاجه .

5- قائمة المدعوين : 

ضرورى تجهزى قائمة تكتبى فيها اسامى الاشخاص اللى حابة تعزميهم ، ده هيخليكى ماتنسيش حد و كمان هيسهل عليكى انك تحددى مكان الحفلة المناسب اللى يتسع للاشخاص دول و كمان لى اساس عدد الاشخاص فى القائمة تقدرى تحددى كمية الاكل المطلوبة و كمان ممكن من خلالها تقدرى تكلفة الحفلة بشكل تقريبى .

6- مكان الحفلة : 

حسب الميزاينة المتاحة تقدرى تحددى مكان الحفلة ، و وسواء الحفلة مكانها كان جوا البيت اوبره فى مكان مفتوح او مقفول اللى هيخلى الحفلة حلوة هى الزينة و التحضيرات اللى قلناها فى الاول ، يعنى مكان الحفة ممكن يكون فى البيت علشان اوفرى فى التكاليق و بتزيين البي و تحضيره بالافكار اللى قلناها هتلاقى حفلتك مختلفة و مميزة جدا .

7- فقرات الحفلة : 

ممكن حفلة عيد الميلاد تحتوى على فقرات كتير و متنوعة خصوصا لو لطفل ، ممكن تجيبى مهرج او ” بلياتشو ” علشان يلعب مع الاطفال ، تعرضيلهم فيلم بيحبوه على شاشة كبيرة او تنظمى العاب ويلعبوا سوا ، و للكبار ممكن تعملى فقرة كاريوكى و تسيبيهم يغنوا او تضبطى Games معينة جماعية للاكس بوكس لو متاح او حتى مجموعة العاب كوتشينة ممكن تتلعب فى جروبس كبيرة زى المنوبولى مثلا، ده هيخلى الحفلة ممتعة اكتر و فيها اكشن.